نیشنل ہائی وے پولیس نے ملک میں پوائنٹس چالان سسٹم متعارف کروا دیا ہے۔ اب ہر چالان کے ساتھ ڈی میرٹ پوائنٹس دیے جائیں گے۔ 2 سال کی مدت میں 20 سے زائد ڈی میرٹ پوائنٹس حاصل کرنے پر ڈرائیونگ لائسنس منسوخ کر دیا جائے گا۔
انسپکٹر جنرل این ایچ ایم پی خالد محمود کی ہدایت پر نیشنل ہائی ویز اور موٹروے پر ڈی میرٹ پوائنٹ سسٹم کا نفاذ کر دیا گیا ہے۔ pic.twitter.com/K7gvujWIgO
— National Highways & Motorway Police (NHMP) (@NHMPofficial) June 19, 2022
آئی جی موٹر ویز پولیس خالد محمود نے کہا کہ موٹروے کے پاس 80 لاکھ سے زائدڈرائیونگ لائسنس کا ڈیٹا موجود ہے۔ان کا کہنا تھا کہ سابقہ چالانوں کا ریکارڈ اب موبائل فون نمبر، لائسنس نمبر یا قومی شناختی کارڈ نمبر کے ذریعے حاصل کیا جا سکے گا۔موٹر وے نے اس متعلق تمام ڈیٹا بیس اور اتظامات مکمل کر لیے ہیں ۔
