پاکستان تحریک انصاف کے مرکزی نائب صدر فواد چوہدری گزشتہ رات لاہور سے اسلام آباد جاتے ہوئے موٹروے پرحادثے کا شکار ہوئے ۔
حادثہ چکری کے قریب پیش آیا جہاں گاڑی قلابازیاں کھاتی ہوئی دور جا گری ۔تاہم فواد چوہدری اس حادثے میں محفوظ رہےقریبی ذرائع کاکہنا ہے کہ فواد چوہدری کو سر پر اور جسم کے کچھ حصوں پر معمولی چوٹیں آئیں ۔
ذرائع کا کہنا ہےکہ حادثہ ٹائر بلاسٹ ہونے کے باعث پیش آیا جس کے بعدگاڑی مکمل تباہ ہو گئی اور گاڑی کے ائیر بیگ کھل گئے ۔تفصیلات کے مطابق حادثے میں کوئی جانی نقصان نہیں ہوا۔فواد چوہدری کو ابتدائی طبی امداد کے بعد متبادل گاڑی میں اسلام آباد منتقل کر دیا گیا۔