حکومتی اتحاد نےوزیر اعلیٰ پنجاب کے معاملے پرچیف جسٹس سے مطالبہ کیا ہے کہ وہ اس حوالے سے سماعت کے لیے فل کورٹ بینچ تشکیل دیں ۔
حکومتی اتحاد کی جانب سے جاری مشترکہ اعلامیہ میں کہا گیا ہے کہ قرین انصاف ہو گا کہ عدالت عظمیٰ کے تمام معزز ججز پر مشتمل فل کورٹ سماعت کی جائے۔اعلامیہ میں چیف جسٹس سے مطالبہ کیا گیا ہے کہ اس حوالے سے سپریم کورٹ بارکی نظر ثانی درخواست اور دیگر متعلقہ درخواستوں ایک ساتھ سماعت کے لیے مقرر کیا جائے ۔
اعلامیہ میں کہا گیا ہے کہ سپریم کورٹ اس حوالے سے حکم صادر کرےکیونکہ یہ بہت اہم قو می ،سیاسی اور آئینی معاملات ہیں ،اس کے نتیجے میں پیدا ہونے والے سیاسی عدم استحکام کی بھاری قیمت معاشی دوالیہ پن کے خطرات مہنگائی اورغربت کی صورت میں ادا کرنا پڑ سکتی ہے۔
