ترکی : 2 سالہ بچی کو سانپ ڈنسا جس کے نتیجے میں بچی نے سانپ کو کاٹ کر مار ڈالا۔
عالمی میڈیا کے مطابق ترکی کے علاقے بنگول کے کنٹر نامی گاؤں میں2 سالہ بچی گھر کے باہر باغیچے میں کھیل رہی تھی کہ 20 انچ لمبے سانپ نے بچی کو ہونٹ پر کاٹا جس کے بعد بچی نے سانپ کو دانتوں میں چبا کر مار ڈالا۔
2-Year-Old Girl Bites and Kills Snake After Being Bitten First pic.twitter.com/kioqoJ8lNb
— No Jumper (@nojumper) August 17, 2022
میڈیا رپورٹس کے مطابق ہمسائے کا کہنا ہے کہ وہ بچی کے رونے کی آواز سن کر گھر سے باہر نکلا تو بچی نے سانپ کو دانتوں میں دبوچ رکھا تھا جبکہ سانپ مر چکا تھا۔
ہمسائے کا کہنا ہے کہ بچی کے ہونٹوں اور پاؤں پر سانپ کے کاٹنے کے نشانات بھی موجود تھے۔ بچی کو فوری طور پر مقامی اسپتال منتقل کیا گیا جہاں ابتدائی طبی امداد کے بعد بچی کو خطرے سے باہر قرار دے دیا گیا۔