ملتان ٹیسٹ: ڈیببیو میچ کے پہلے ہی اوور میں ابرار احمد کے ہاتھوں زیک کرولی بولڈ

ملتان کرکٹ اسٹیڈیم میں 16 سال بعد ٹیسٹ میچ کھیلا جا رہا ہے۔

دوسرے ٹیسٹ میچ کے پہلے روز اسپنر ابرار احمد نے اپنے پہلے اوور میں زیک کرولی کی وکٹ حاصل کرکے ٹیسٹ کرکٹ میں اپنا کھاتا کھولا۔انگلش اوپنر 37 گیندوں پر صرف 19 رنز بناکر پویلین لوٹ گئے۔ابرار احمد نے انہیں بولڈ کیا۔

🔥 introduction to Test cricket 👌#PAKvENG | #UKSePK pic.twitter.com/wIWgXN7Zmg

— Pakistan Cricket (@TheRealPCB) December 9, 2022

مہمان ٹیم نے ٹاس جیت کر پہلے بیٹنگ کا فیصلہ کرتے ہوئے 44 رنز بنالیے ہیں جبکہ پچ پر اولی پوپ اور بین ڈکٹ موجود ہیں۔

اظہر علی ، نسیم شاہ اور حارث رؤف ان فٹ ہونے کے بعدملتان ٹیسٹ کی پلیئنگ الیون میںشامل نہیں ہیں۔ ان کی جگہ ٹیم میں محمد نواز ، فہیم اشرف اور ابرار احمد کو شامل کیا گیا ہے۔

انگلینڈ کی ٹیم میں لیام لیونگسٹن کی جگہ مارک ووڈ کو پلیئنگ الیون میں شامل کیاگیا ہے جبکہ بین فوکس کی جگہ اولی پوپ وکٹ کیپنگ کریں گے۔