پشاورمیں خاتون کو حراساں کرنے کے الزام میں سینئر پولیس آفیسر کے خلاف مقدمہ درج کر لیا گیا۔
خبروں کے مطابق کے پی پولیس کے ایس پی عارف خان کے خلاف خاتون کو حراساں کرنے کی دفعات کے تحت مقدمہ درج کیا گیا ہے۔
خاتون کی جانب سے گزشتہ روز پریس کانفرنس کرتے ہوئے ایس پی عارف خان پر الزام عائد کیا گیا تھا کہ پولیس آفیس اس کے سا تھ زبردستی شادی کرنا چاہتا ہے۔
گجرات: یونیورسٹی کی طالبہ نے دریائے چناب میں کود کر خودکشی کر لی
خاتون کا کہنا تھا کہ ایس پی اسے اور اس کے خاوند کو دھمکیاں دیتا ہے اور گھرآ کرمارپیٹ بھی کی گئی۔
ویڈیو سوشل میڈیا پر وائرل ہونے کے بعد آئی جی خیبرپختونخوا نے نوٹس لیتے ہوئے سابق ڈی پی او چارسدہ کو آپریشن ونگ سے کلوز کرکے سینٹرل پولیس آفس رپورٹ کرنے کا حکم دیا۔
ملزم کے خلاف محکمانہ کارروائی کا حکم بھی دیا جا چکا ہے جبکہ خاتون کی مدعیت میں تھانہ چمکنی میں ایس پی عارف خان کے خلاف مقدمہ بھی درج کر دیا گیا۔
