عثمان ڈارکی والدہ نے این اے 71 اور پی پی 47 سیالکوٹ سےکاغذات نامزدگی جمع کروادیئے ہیں
عثمان ڈار کی والدہ ریحانہ امتیاز نے میڈیا سے گفتگو کرتے ہوئے کہا کہ میرے گھر پر توڑ پھوڑ اور ہراساں کرنے کا فائدہ خواجہ آصف کو تھا۔
جو حربے استعمال کئے گے اسکا فائدہ خواجہ آصف کو ہے،میرے ساتھ جو ہوا خواجہ آصف نے کروایا ہے۔
ان کا کہنا تھا کہ میرے غیرت مند بھائی کو اگر مجھ سے اتنی ہمدردی تھی تو جس دن میرے گھر توڑ پھوڑ ہوئی اس دن میرے گھر آتے میں انکو عزت بخشتی،یہ عوام کے سامنے معافی مانگ کر صرف عوام کو گمراہ کرتے تھے۔
پرویز الٰہی کو دل میں تکلیف ،ہنگامی طور پر جیل سے اسپتال منتقل
ان کا کہنا تھا کہ انہوں نے ڈی پی او اور ڈی سی او کو فارغ کیا،خواجہ آصف میرے گھر آتے تو میں انہیں معاف کر دیتی کیوں کہ اللہ معاف کرنے والوں کو پسند کرتا ہے۔
عثمان ڈار کی والدہ ریحانہ امتیاز کا کہنا تھا کہ میرے ساتھ جو کچھ انہوں نے کیا اسکی ویڈیو عوام کے سامنے ہے،انہوں نے میرے گھر کو سیل کر کے مجھے گھر سے نکال دیا،میں نے چھوٹے چھوٹے بچوں کے ساتھ سڑک پر رات گزاری۔