گوجرانوالہ (ویب ڈیسک) سٹی پولیس آفیسر محمد ایاز سلیم کے احکامات کے پیش نظر ایس پی سول لائنز بلال محمود سلہری اور اے ایس پی وزیر آباد محمد رضا کی زیر نگرانی ایس ایچ او تھانہ احمد نگر سب انسپکٹر معراج احمد نے اپنی پولیس ٹیم کے ہمراہ اعلی کارکردگی کا مظاہرہ کرتے ہوئے 12 سالہ جبران کے ساتھ بد فعلی کرنے والے ملزم کو چوبیس گھنٹے کے اندر گرفتار کر لیا۔
تفصیلات کے مطابق عمران مسیح نے درخواست دی کہ مورخہ 23 مارچ ملزم عدیل اکبر میرے بیٹے کو ورغلا کر گھر سے بلوا کر لے گیا اور اسے زیادتی کا نشانہ بنایا۔
جس پر مقامی پولیس نے فوری مقدمہ درج کرکے ملزم عدیل اکبر کو چوبیس گھنٹے کے اندر گرفتار کرلیا۔
اس موقع پر سی پی او کا کہنا ہے کہ گرفتار ملزم کو قرار واقعی سزار دلوانے کے لیے تمام قانونی تقاضے پورے کیے جائیں گے۔
انہوں نے کہا کہ ایسے سنگین جرائم میں ملوث مجرمان کی سرکوبی کرتے ہوئے ملزمان کو کیفر کردار تک پہنچایا جائے گا۔
سٹی پولیس آفیسر محمد ایاز سلیم نے ایس ایچ او تھانہ احمد نگر سب انسپکٹر معراج احمد اور ان کی پولیس ٹیم کو شاباش دی۔
