بینک اسلامی کی جانب سے جاری بیان کے مطابق جرمن آٹو ساز کمپنی آڈی نے بینک اسلامی پاکستان کے اشتراک سے مقامی مارکیٹ میں اپنی مصنوعات متعارف کرادیں۔اسلام آباد میں ہونی والے تقریب میں بینک اسلامی اور آڈی کی جانب سے مفاہمت کی یادداشت پر دستخط کیے گئے۔ معاہدے کے تحت دونوں کمپنیاں ایک دوسرے کے نیٹ ورک کو وسیع کرنے میں تعاون کرینگی۔ معاہدے پر چیف فنانشل آفیسر محمد یاسین خان اور یاسر عباس کی جانب سے ستخط کیے گئے۔ اطلاعات کے مطابق ابتدائی مرحلے میں آٹو کمپنی آڈی مکمل بلٹ اپ یونٹس (سی بی یو) پاکستانی مارکیٹ میں متعارف کرائے گی، جس سے آڈی کی مقبولیت میں اضافہ ہوگا، توقعات پوری ہونے اور بہتر نتیجے کے بعد دوسرے مرحلے میں آڈی کی جانب سے اسمبلنگ پلانٹس بھی لگائے جائیں گے، جہاں گاڑیوں کو بنانے کا کام کیا جائے گا۔
تازہ ترین