جنید جمشید کی نمازجنازہ کل کراچی میں ادا کی جائے گی

کراچی (مانیٹرنگ ڈیسک) مذہبی سکالر جنید جمشید کی نماز جنازہ کل بعد نماز جمعہ ادا کی جائے گی ۔ تفصیلات کے مطابق گزشتہ روز طیارہ حادثہ کا شکار بننے والے نامور مذہبی شخصیت جنید جمشید کی نماز جنازہ کل دارالعلوم کورنگی کراچی میں بعد نما ز جمعہ ادا کی جائے گی۔ ان کی میت کو لینے کیلئے مرحوم کے بڑے بھائی اسلام آباد روانہ ہو چکے ہیں ۔جنید جمشید کی نماز جنازہ مفتی تقی عثمانی پڑھائیں گے ۔ یاد رہے جنید جمشید اپنی اہلیہ کے ہمراہ پی آئی اے کے اے ٹی آر 47 طیارے میں سوار تھے جو چترال سے اسلام آباد آرہا تھا اور راستے میں حویلیاں کے مقام پر حادثے کا شکار ہو گیا ۔ ایک انجن میں تکنیکی خرابی کے بعد آگ لگنے سے طیارہ گر کر تباہ ہو گیا تھا جس میں عملے کے 5ارکان سمیت 47 افراد سوار تھے ۔ ان افراد میں 31 مرد ،9 خواتین اور 2بچے شامل تھے جو لقمہ اجل بن گئے ۔ طیارے میں ڈپٹی کمشنر چترال اسامہ احمد وڑائچ اور انکی اہلیہ بھی سوار تھیں ۔