پاک فوج کے شیر جوان دہشتگردوں پر ٹوٹ پڑے،پاکستان کےاہم شہر میں مقابلہ جاری

صوابی(مانیٹرنگ ڈیسک)سکیورٹی فورسز نے صوابی کے علاقے ملک آباد میں دہشتگردوں کو گھیرلیا، فائرنگ کے تبادلے میں پاک فوج کے کیپٹن اور سپاہی شہید ہو گئے۔ تفصیلات کے مطابق سکیورٹی فورسز نے صوابی کے علاقے ملک آباد کے ایک کمپائونڈ میں خفیہ اطلاع ملنے پر دہشتگردوں کا محاصرہ کر لیا جہاں فائرنگ کا تبادلہ جاری ہے جس میں پاک فوج کے ایک کیپٹن جنید اور سپاہی امجد جام شہادت نوش کر چکے ہیں۔ آئی ایس پی آر نے دہشتگردوں سے مقابلے اور شہادتوں کی تصدیق کرتے ہوئے بتایا ہے کہ کمپائونڈ میں کافی تعداد میں دہشتگرد موجود ہیں جن سے فائرنگ کا تبادلہ جاری ہے۔