اسلام آباد (مانیٹرنگ ڈیسک) پاکستان الیکٹرانک میڈیا ریگولیٹری اتھارٹی (پیمرا ) نے ٹی وی چینلز پر بڑھتی ہوئی فحاشی کے خلاف عملی اقدامات کا آغاز کرتے ہوئے چینل مالکان کے ساتھ مشاورتی اجلاس طلب کرلیا ۔پیمرا کی جانب سے جاری بیان میں کہا گیا ہے کہ پیمرا کو ناظرین کی بڑی تعداد کی طرف سے نجی ٹی وی چینلز پر دکھائے جانے والے ڈراموں، کمرشلز اور مارننگ شوز کے معیار میں گراوٹ کی شکایات موصول ہو رہی ہیں۔ ٹی وی پروگرامز میں بہتری لانے کیلئے پیمرا نے پی بی اے اور سیٹلائٹ ٹی وی چینلز کے نمائندوں کے ساتھ جمعرات کو مشاورتی نشست کا اہتمام کیا ہے جس میں یہ تمام مسائل زیر بحث لائے جائیں گے۔
ڈراموں، کمرشلز اور مارننگ شوز وغیرہ کے خلاف شکایات پر پیمرا نے نجی ٹی وی چینلز مالکان اور پی بی اے کے ارکان کے ساتھ مشاورتی اجلاس طلب کر لیا pic.twitter.com/Nx7xKom6KR
— Report PEMRA (@reportpemra) March 13, 2017