لاہور(مانیٹرنگ ڈیسک) پاکستان پیپلز پارٹی کے چیئرمین بلاول بھٹو زرداری نے پارٹی رہنما بابر سہیل بٹ کے قتل کے خلاف ہر ضلع میں احتجاج کرنے کی ہدایت کر دی ہے ۔ یہ بات پیپلز پارٹی پنجاب کے جنرل سیکرٹری ندیم افضل چن نے میو ہسپتال ڈیڈ ہاؤس کے باہر میڈیا سے گفتگو کرتے ہوئے بتائی ۔ انہوں نے کہا کہ بابر سہیل بٹ کے قتل کی شدید مذمت کرتے ہیں ۔ حکومت سے مطالبہ ہے کہ ملزمان کو فوری گرفتار کر کے حقائق منظر عام پر لائے جائیں ۔ انہوں نے کہا کہ ورثاء نے مقدمے کے اندراج کے لئے جو درخواست دی ہے اس میں بھی رد و بدل کر دیا گیا ہے جس سے شکوک و شبات جنم لے رہے ہیں۔ انہوں نے کہا کہ چیئرمین بلاول بھٹو زرداری کی ہدایت کے مطابق قتل کے خلاف ہر ضلع میں احتجاج کیا جائے گا ۔
تازہ ترین
