چیئرمین سینیٹ یوسف رضا گیلانی کو دھمکی آمیز پیغامات بھیجنے والے 2 ملزمان کو خانیوال سے گرفتار کرلیا گیا ہے۔
ملتان، سابق وزیراعظم پاکستان و چیئرمین سینیٹ یوسف رضاگیلانی کو دھمکی آمیز پیغامات بھیجنے والے 2 ملزمان کو حراست میں لے لیا گیا ہے۔
نجی ٹی وی چینل کے مطابق تھانہ کینٹ پولیس نے نامعلوم افراد کیخلاف مقدمہ درج کیا تھا، ملزمان نے یوسف رضا گیلانی اور علی موسیٰ گیلانی کو موبائل فون پر دھمکی والے پیغامات بھیجے تھے۔
سی پی او صادق علی ڈوگر کے مطابق پولیس نے 3 ملزمان کو گرفتار کیا تھا اور اس معاملے ایک ملزم کو بے قصور ہونے پر چھوڑ دیا ہے۔
سی پی او صادق علی ڈوگر نے مزید بتایا کہ ضمنی الیکشن سے پہلے علی موسیٰ گیلانی کو سنگین نتائج کو دھمکیاں ملیں، رکن قومی اسمبلی کی درخواست ہر ہی مقدمہ درج کیا گیا تھا۔