پشاور، صوبہ خیبرپختونخوا کو 10 روپے فی یونٹ بجلی فروخت کرنے سے متعلق قرارداد صوبائی اسمبلی کے سیکرٹریٹ میں جمع کرا دی گئی ہے۔
یہ قرارداد حکومتی رکن فضل الٰہی کی جانب سے اسمبلی سیکرٹریٹ میں جمع کرادی گئی ہے۔
اس قرارداد میں کہا گیا ہے کہ خیبرپختونخوا بجلی پیدا کرتا ہے اور ملک کو بجلی فراہم کرتا ہے جسے وفاق 70-80 روپے فی یونٹ میں فروخت کرتی ہے۔
قرارداد میں کہا گیا کہ بجلی کی شیڈنگ بھی خیبرپختونخوا کے عوام کو برداشت کرنا پڑتی ہے لہٰذا اس اجلاس میں وفاقی حکومت سے درخواست کی گئی کہ خیبرپختونخوا کو 10 روپے فی یونٹ بجلی دی جائے اور کے پی صوبے کو لوڈشیڈنگ سے مستثنیٰ قرار دیاجائے۔
قرار داد میں یہ کہا گیا ہے کہ سب سے پہلے بجلی صوبہ خیبرپختونخوا کو دی جائے بعد میں باقی صوبوں کو الیکٹریسٹی فراہم کی جائے۔
