دہری شہریت کے افسران کو حساس عہدوں سے ہٹانے کا حکم

وزارتِ داخلہ میں حساس عہدوں پر تعینات افسران کو فوری طور پر ہٹانے کا حکم جاری کر دیا گیا ہے۔ترجمان وزارتِ داخلہ کے مطابق قومی ادارے میں اہم عہدوں پر تعینات دہری شہریت کے حامل افسران کو فوری طور پر ان کے عہدوں سے ہٹانے کا حکم صادر کر دیا گیا ہے۔ یہ حکم وزیرِ داخلہ چودھری احسن اقبال کی جانب سے جاری کیا گیا ہے، انہوں نے حکم دیا ہے کہ دہری شہریت رکھنے والے تمام افسران کو ان کے عہدوں سے ہٹا دیا جائے۔