آرمی چیف جنرل قمر جاوید باجوہ کا کہنا ہے کہ ایف اے ٹی ایف ایکشن پلان پر عمل درآمد پاکستان کے لیے ایک بڑی کامیابی ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے کہا کہ جی ایچ کیو میں قائم خصوصی سیل نے قومی کوششوں کےعمل کو آگے بڑھایا۔پاکستان کو اس بات پر فخر ہے کہ سول ملٹری باہمی کوششوں کی بدولت عمل درآمد کو یقینی بنایا گیا۔
Completion of FATF AML /CFT action plans by Pak is a great achievement. A monumental effort paving way 4 whitelisting. “Core cell @ GHQ which steered the national effort & civil – military team which synergised implementation of action plan made it possible, making Pak proud”COAS
— DG ISPR (@OfficialDGISPR) June 17, 2022
آرمی چیف نے کہا کہ ایکشن پلان پر عمل درآمد سے پاکستان کی وائٹ لسٹ میں واپسی کی راہیں ہموار ہوئی ہیں ۔
یاد رہے کہ پاکستان نے فیٹف کی 34 شرائط پر عمل در آمد مکمل کر لیا ہے۔برلن میں ہونے والے فیٹف کے اجلاس کے آخری روز اعلامیہ جاری کر دیا گیا تاہم پاکستان کو گرے لسٹ سے نکالنے کا اعلان نہیں کیا گیا۔ فیٹف حکام کا کہنا ہے کہ گرے لسٹ سے نام نکالنے کا فیصلہ پاکستان کے دورہ کے بعد کیا جائے گا۔
