زمین پر رینگنے والی چھوٹی چھوٹی چیونٹیاں اپنے جسمانی وزن سے 10 سے 50 گنا زیادہ وزن اٹھانے کی صلاحیت رکھتی ہیں ۔لیکن اگر یہی چیونٹیاں جھنڈ کی صورت میں حملہ آور ہوں تو پھر یہ کسی بھی چیز کو گھسیٹ کر اپنے بل تک لے جانے میں کامیاب ہو جاتی ہیں ۔
چیونٹیاں اکثر مردہ کیڑوں ، پتوں اور پھلوں کو ہی اپنا شکار بناتی ہیں لیکن حیران کن طور پر چیونٹیوں کی ایک کالونی کی سوشل میڈیا پر وڈیو وائرل ہو رہی ہےجہاں چیونٹیوں کو ایک ناہموار سطح پر سونے کی چین گھسیٹ کر لیے جاتے دیکھا جا سکتاہے۔
ویڈیو بھارت کے فاریسٹ سروس کے افسر سوسنتا نندا نے ٹوئٹر پر پوسٹ کی تھی۔ نندا نے ٹوئٹر پر تحریر میںچیونٹیوں کو چھوٹے اسمگلر قرار دیتے ہوئے لکھا کہ سوال یہ ہے کہ ان پر آئی پی سی کے کس سیکشن کے تحت مقدمہ درج کیا جا سکتا ہے؟
Tiny gold smugglers 😀😀
The question is,under which section of IPC they can be booked? pic.twitter.com/IAtUYSnWpv— Susanta Nanda IFS (@susantananda3) June 28, 2022
بھارتی میڈیا کے مطابق یہ ویڈیو پرانی ہے اور پچھلے سال بھی وائرل ہوئی تھی۔ اس ویڈیو کو اب تک1 لاکھ 56 ہزار سے زیادہ لوگ دیکھ چکے ہیںجبکہ تقریباً 700 لوگ اسے شیئر کر چکے ہیں۔
دلکش ویڈیو قدرت کی شان و شوکت کا واضح ثبوت ہےجوکہ طاقت میں اتحاد کی ایک مثال قائم کرتی ہے۔
