تحریک انصاف کے چیئرمین عمران خان کا کہنا ہے کہ جب تک ہم سب متحد ہوکر اس فسطائیت کیخلاف کھڑے نہیں ہوتے پاکستان میں آزادی اور جمہوریت کا سورج مکمل طور پر غروب ہو جائے گا۔
وہ تمام لوگ جو جمہوریت اور آزادئ اظہار کےآئینی حق کےحامی ہیں وہ خوف وہراس پھیلانے اور تنقیدی آوازوں کا گلا گھونٹنے کیلئے @ImranRiazKhan کی گرفتاری اور @ayazamir سمیت صحافیوں اور دیگر کیخلاف جاری پرُ تشدد و انتقامی کارروائیوں پر صدائے احتجاج بلند کرنے کیلئے باہر نکلیں۔
— Imran Khan (@ImranKhanPTI) July 6, 2022
ٹوئٹر پیغام میں سابق وزیر اعظم کا کہنا تھا کہ وہ تمام لوگ جو جمہوریت اور آزادی اظہار کےآئینی حق کےحامی ہیں وہ خوف وہراس پھیلانے اور تنقیدی آوازوں کا گلا گھونٹنے کیلئے عمران ریاض خان کی گرفتاری اور ایاز میر سمیت صحافیوں اور دیگر کیخلاف جاری پرتشدد اورانتقامی کارروائیوں پر صدائے احتجاج بلند کرنے کیلئے باہر نکلیں۔