سلمان خان جمعہ کے روزممبئی پولیس ہیڈکوارٹرز پہنچے جہاں انہوں نے پولیس کمشنر وویک پھنسالکر سے ملاقات کی ۔میڈیا رپورٹس کے مطابق دبنگ خان نےلارنس بشنوئی گینگ کی جانب سے ملنے والی دھمکیوں کے ایک ماہ بعد اسلحے کے لائسنس کے لیے درخواست دی ہے۔
#WATCH | Maharashtra: Actor Salman Khan leaves from the office of Mumbai Commissioner of Police Vivek Phansalkar pic.twitter.com/1NsJ2T375a
— ANI (@ANI) July 22, 2022
بھارتی میڈیا کے مطابق سلمان خان نے گزشتہ روز شام 4 بجےکے قریب ممبئی پولیس ہیڈکوارٹر میں کمشنر وویک پھنسالکر سے ایک گھٹنے طویل ملاقات کی جس میں انہوں اپنی سکیوریٹی کے حوالے پولیس افسران سے تبادلہ خیال کیا۔
خیال رہے کہ پنجابی گلوکار سدھو موسے والے کے قاتل لارنس بشنوئی گینگ کی جانب سے سلمان خان کو جان سے مارنے کی دھمکیاں دی گئی تھی۔
ایک ماہ قبل سلمان خان کے والد سلیم خان کوصبح کے وقت پارک میں سیر کے دوران دھمکی آمیز خط ملا تھا جس کے بعد سلمان خان کی سکیورٹی بڑھا دی گئی تھی ۔
