عمران خان نے الیکشن کمشنر سکندر سلطان کے خلاف 10 ارب روپے کے ہرجانے کا دعویٰ دائر کرنے کا اعلان کر دیا ۔
سابق وزیراعظم عمرا ن خان نے کامونکی میں لانگ مارچ سے خطاب کرتے ہوئے کہا کہ الیکشن کمشنر پر 10ارب روپے کا ہرجانہ کروں گا۔
عمران خان نے کہا کہ الیکشن کمشنر شریف خاندان کا ملازم ہے ، توشہ خانہ اور فارن فنڈنگ میں میرا نام لینے پر دس ارب کا ہرجانہ دائر کرنے جارہاہوں ۔
تحریک انصاف نے چیئرمین نے کہا کہ سکندر سلطان سے جو ہرجانہ ملے گا اسے ہسپتال میں جمع کراؤں گا ،تم نے میری دیاتنداری پر سوال اٹھایا ،تم پر عدالت میں مقدمہ کروں گا ، تم سے ہر جانے کے پیسے نکلواؤں گا ، الیکشن کمشنر کے خلاف ہرجانہ کروں گا تاکہ آئندہ کسی کی ساکھ کو نقصان نہ پہنچائیں،الیکشن کمشنر کو پیچھے سے بھی ہدایات مل رہی ہیں۔
عمرا ن خان نے کہا کہ شوکت خانم کے لیے ہر سال 9 ارب روپے اکٹھے ہوتے ہیں،سب سے بڑا شوکت خانم ہسپتال کراچی میں بن رہا ہے۔
