قومی کرکٹر احمد شہزاد نے پاکستان سپر لیگ (پی ایس ایل) کو خیر آباد کہہ دیا، انہوں نے کہا کہ آئندہ وہ کبھی بھی پی ایس ایل کا حصہ نہیں بنیں گے۔
احمد شہزاد نے سوشل میڈیا ویب سائیٹ ایکس (سابق ٹوئٹر) پرپوسٹ میں لکھا کہ ایک اور پی ایس ایل ڈرافٹ گزر گیا لیکن مجھے حصہ نہیں بنایا گیا۔
ان کاکہنا تھا کہ معلوم نہیں تھا کہ اسی سال یہ تحریر لکھنی پڑھ جائے گی۔ میں نے قومی ٹی 20 کپ میں اچھے کھیل کا مظاہرہ کیا اور اس کے لیے بھرپور محنت بھی کی۔
اس بار نسیم شاہ کے دو بھائی بھی پی ایس ایل کا حصہ ہونگے
احمد شہزاد کا کہنا تھا کہ مجھے کسی پی ایس ایل ٹیم میں شامل نہ کرنا ایک سوچی سمجھی سازش لگتی ہے، میں جانتا ہوں کہ ایسا کیوں کیا گیا، جلد ہی پوری دنیا کو اس کی خبر دوں گا۔
انہوں نے کہا کہ میں پی ایس ایل سے دوری اختیار کر رہا ہوں، آئندہ کبھی ان ٹیموں کے ساتھ نہیں کھیلوں گا۔
A heartfelt goodbye! pic.twitter.com/7NdjpCXjeR
— Ahmad Shahzad 🇵🇰 (@iamAhmadshahzad) December 15, 2023
احمد شہزاد نے پی ایس ایل سیزن ون میں کوئٹہ گلیڈی ایٹرز کی نمائندگی کی تھی جس کے بعد ان سات سالوں میں دستیابی کے باجود انہیں کسی بھی فرنچائز نے پک نہیں کیا۔
