پرویز الٰہی نےالیکشن میں شیخ رشید کی حمایت کا اعلان کردیا

پاکستان تحریک انصاف کے صدر چوہدری پرویز الٰہی نے انتخابات میں عوامی مسلم لیگ کے سربراہ شیخ رشید احمد کی حمایت کا اعلان کردیا

خبروں کے مطابق عدالت میں میڈیا سے غیررسمی گفتگو کرتے ہوئے چودھری پرویز الٰہی نے کہاکہ شیخ رشید صاحب سے پرانا رشتہ ہے۔

ان کا کہنا تھا کہ این اے 56اور 57شیخ صاحب کو دینا ہے، اس کیلئے بانی پی ٹی آئی کو منانا ہے،شیخ رشید کی کامیابی کیلئے مکمل کوشش کریں گے۔

ٓپرویز الٰہی کاکہنا تھا کہ الیکشن میں حصہ لے رہا ہوں،3جگہ ایم این اے اور 3جگہ سے ایم پی اے کا الیکشن لڑوں گا۔

منی لانڈرنگ کیس: پرویز الٰہی کی میڈکل رپورٹ عدالت میں پیش

لیول پلیئنگ فیلڈکے متعلق پرویز الٰہی نے کہاکہ فیلڈ ہی کوئی نہیں تو لیول کیا ہونا ہے، پارٹی چیئرمین بلا مقابلہ منتخب ہوئے ہیں،الیکشن جانبدارانہ ہوئے تو ملک کو نقصان ہوگا۔

ان کا کہنا تھا کہ مجھے 2بار اٹیک ہوا، ہسپتال نہیں جانے دے رہے، یہ جنگل کا قانون ہے۔