وفاقی تحقیقاتی ادارے (ایف آئی اے) نے بینک آف پنجاب کراچی میں جعلی واؤچرز کے ذریعے 13 کروڑ روپے سے زائد کا غبن کرنے کے الزام میں 2 ملزمان کو گرفتار کرلیا۔
ڈائریکٹر ایف آئی اے کراچی کے مطابق بینک آف پنجاب، ڈی ایچ اے شہباز برانچ کراچی میں ہونیوالے فراڈ میں بینک عملہ ملوث ہے۔
ایف آئی اے کے مطابق سابق آپریشن مینجر بینک آف پنجاب، ڈی ایچ اے شہباز برانچ شاہین شاہ نے دیگر عملے کیساتھ مل کر جعلی واؤچرز کے ذریعے بینک کے ایکسپینس اکاؤنٹ سے مختلف اوقات میں 132,680,313 روپے مختلف وینڈرز کے اکاؤنٹ میں ٹرانسفر کیے۔
ایف آئی اے نے بینکنگ فراڈ کے تمام شواہد حاصل کرکے کمرشل بینکنگ سرکل کراچی میں مقدمہ درج کرلیا جبکہ فراڈ میں ملوث بینک آف پنجاب کے ملازم 2 ملزمان مرزا حارث بیگ اور محب الدین کو گرفتار کرلیا۔
