اسلام آباد، قومی اسمبلی کے حلقہ این اے 154 لودھراں میں ووٹوں کی دوبارہ گنتی کے نتیجے میں (ن) لیگ کے امیدوار عبدالرحمان خان کانجو کو کامیاب قرار دیدیا گیا۔
الیکشن کمیشن نے این اے 154 لودھراں سے لیگی امیدوار عبد الرحمان خان کانجو کی کامیابی کا نوٹیفکیشن جاری کردیا۔
نوٹیفکیشن میں بتایا گیا ہے کہ الیکشن کمیشن کے حکم پر این اے 154 میں ووٹوں کی دوبارہ گنتی کی گئی جس پر لیگی امیدوار عبد الرحمان کانجو کامیاب قرار پائے، دوسری جانب الیکشن کمیشن نے آزاد امیدوار رانا فراز نون کی کامیابی کا نوٹیفکیشن واپس لے لیا۔
