عدالت نے لاہور کے علاقے اچھرہ میں خاتون پر حملے کے مقدمے میں گرفتار 3 ملزمان کی ضمانتیں منظور جبکہ 2 کو بے گناہ قرار دید یا گیا۔
عدالت نے اچھرہ واقعے کے ملزم التمش، ندیم اور عادل کی ضمانتیں منظور کرلیں۔
مقدمے میں نامزد ملزمان علیم الدین اور خالد شہنشاہ کو بھی بے گناہ قرار دیدیا گیا۔
خیال رہے کہ گزشتہ ماہ اچھرہ میں عربی حروف تہجی والا لباس پہننے پر مشتعل ہجوم نے بازار میں آئی خاتون پر توہین مذہب کا الزام لگا کر ہراساں کرنے کی کوشش کی تھی۔
لاہور کی انسداد دہشتگردی عدالت نے 19 مارچ کو اس مقدمے میں ملوث 4 ملزمان کا 3 روزہ جسمانی ریمانڈ منظور کیا تھا۔
