کراچی حیدرآباد موٹروے پر ٹریفک 15 گھنٹے بعد بحال

نوری آباد کے قریب گزشتہ رات سے ٹریفک جام تھی ، لوگوں نے بھوکے پیاسے سڑک پر رات گزاری
کراچی (مانیٹرنگ ڈیسک) حیدر آباد موٹر وے پر 15 گھنٹے سے جام ٹریفک کو بالآخر کھول دیا گیا ۔ گزشتہ روز موٹر وے پر ایک ٹریلر الٹنے کی وجہ سے ٹریفک جام ہوگئی تھی جس کے باعث لوگوں نے بھوکے پیاسے سڑک پر ہی رات گزاری لیکن ان کی مدد کیلئے کوئی نہیں آیا ، آج صبح الٹنے والے ٹریلر کو راستے سے ہٹا کر عوام کیلئے ٹریفک کو کھول دیا گیا جس کے بعد مسافر اپنی اپنی منزل کی جانب روانہ ہوگئے ۔