اسلام آباد (ویب ڈیسک) وزیراعظم نواز شریف کی صاحب زادی مریم نواز نے کہا ہے کہ احتساب کروانے کے لیے نواز شریف جیسا دل چاہیے۔ مریم نواز نے سوشل میڈیا ویب سائٹ ٹوئٹر پر بیان جاری کرتے ہوئے کہا کہ حسن نواز اور حسین نواز اس انسان کے بیٹے ہیں جو ہر دور میں کڑے احتساب میں سرخرو ہوا ۔ انہوں نے عمران خان کی طرف اشارہ کرتے ہوئے کہا کہ ’کسی نے کہا تھا احتساب مجھ سے شروع کریں، لیکن احتساب کے لیے پیش ہونے کے لیئے نوازشریف جیسا دل ہونا چاہیئے‘.
کسی نے کہا تھا احتساب مجھ سے شروع کریں، لیکن احتساب کے لیئے پیش ھونے کے لیئے نوازشریف جیسا دل ھونا چاہیئے.
— Maryam Nawaz Sharif (@MaryamNSharif) June 2, 2017
مریم نواز کا کہنا تھا کہ حسن اور حسین نواز کبھی سیاست کا حصہ نہیں رہے تاہم انہوں نے جمہوریت کی خاطر ایک آمر کے دور میں قید و بند کی صعوبتیں ضرور برداشت کیں۔
حسن اور حسین کھبی سیاست کا حصہ نہیں رہے لیکن جمہوریت کے لیئے ڈکٹیٹر کے دور میں قید و بند کی صعوبتیں برداشت کرنے کا تمغہ ضرور رکھتے ہیں.
— Maryam Nawaz Sharif (@MaryamNSharif) June 2, 2017
واضح رہے کہ پاناما کیس میں وزیراعظم نواز شریف اور ان کے اہل خانہ کے خلاف کرپشن کی تحقیقات ہورہی ہیں۔ وزیراعظم کے چھوٹے بیٹے حسن نواز پہلی مرتبہ آج جے آئی ٹی کے سامنے پیش ہوئے جب کہ بڑے بیٹے حسین نواز تفتیش کے لیے کل چوتھی بار پیش ہوں گے۔
