بجلی 3.28 روپے فی یونٹ مہنگی ہو گئی۔
عوام پر ایک بار پھر بجلی بم گرا دیا گیا، بجلی 3 روپے 28 پیسے فی یونٹ مہنگی کردی گئی۔
نیپرا کے مطابق قیمتوں میں اضافہ سہ ماہی ایڈجسمنٹ کی مد میں کیا گیا، یہ اضافہ جون، جولائی اور اگست کے بلوں میں وصول کیا جائے گا۔
نیپرا نے بجلی کی قیمتوں میں اضافے کا فیصلہ جاری کر دیا، بجلی کی قیمت بڑھنے سے صارفین پر 46 ارب روپے کا اضافی بوجھ پڑے گا۔
نیپرا نے بجلی 3 روپے 49 پیسے فی یونٹ مہنگی کرنے کی سی پی پی اے کی درخواست پر فیصلہ 30 مئی کو محفوظ کیا گیا تھا۔
سینٹرل پاور پرچیزنگ ایجنسی نے اپریل کی فیول ایڈجسٹمنٹ میں اضافے کی درخواست کی تھی۔