میدان عرفات میں شدید گرمی کے باعث یلو الرٹ جاری کردیا گیا ہے۔
آج حج کا مرکزی رکن وقوف عرفہ ہے اور مکہ مکرمہ میں شدید گرمی جاری ہے، اس دوران حجاج کرام کو گرمی سے بچانے کے لیے خصوصی احتیاطی تدابیر اختیار کی گئیں، عرفات کو ٹھنڈا رکھنے کے لیے فوارے لگائے گئے ہیں۔
میدان عرفات میں شدید گرمی کے باعث یلو وارننگ جاری کر دی گئی، میدان عرفات میں درجہ حرارت 47 ڈگری سینٹی گریڈ تک پہنچنے کا امکان ہے۔
سعودی میٹرولوجیکل سروس نے حجاج کرام کو کھلے مقامات سے دور رہنے کی ہدایت کی ہے۔