سابق بھارتی ٹینس اسٹار ثانیہ مرزا کے والد عمران مرزا نے کرکٹر محمد شامی سے اپنی بیٹی کی دوسری شادی کی افواہوں پر شدید ردعمل کا اظہار کیا ہے۔
حال ہی میں بھارتی میڈیا میں ثانیہ مرزا اور فاسٹ بولر محمد شامی کی شادی کے حوالے سے افواہیں گردش کر رہی تھیں۔
یہ سب اس وقت شروع ہوا جب کسی نے سوشل میڈیا پر ثانیہ کے ساتھ شامی کی ایڈٹ شدہ تصاویر پوسٹ کیں، فوٹو شاپ سے ایڈٹ کی گئی تصاویر میں ثانیہ مرزا کو دلہن کے طور پر دکھایا گیا ہے۔
سوشل میڈیا پر یہ افواہیں گردش کررہی تھیں کہ شامی اور ثانیہ مبینہ طور پر اگست میں شادی کرنے کا ارادہ رکھتے ہیں لیکن ان دونوں نے ان افواہوں پر کوئی ردعمل ظاہر نہیں کیا جب کہ ثانیہ مرزا کے والد عمران مرزا نے اب ان افواہوں پر سخت ردعمل کا اظہار کردیا ہے۔
بھارتی میڈیا سے بات کرتے ہوئے عمران مرزا نے واضح کیا کہ یہ سب بکواس ہے، ثانیہ نے محمد شامی سے کبھی ملاقات تک نہیں کی۔
واضح رہے کہ ثانیہ مرزا پاکستانی کرکٹر شعیب ملک کی سابق اہلیہ ہیں۔
ثانیہ مرزا کے والد نے اس سال کے شروع میں اپنی بیٹی کی شعیب ملک سے طلاق کی تصدیق کی تھی۔
