کیا آپ اس تصویر میں چھپا کچھوا ڈھونڈ سکتے ہیں؟

چھپن چھپائی کا کھیل کھیلا ایک کچھوے نے اور وہ کچھوا چھپا ہے ایک تصویر میں۔ تو پھر آپ بھی تیار ہو جائیں اس کچھوے کی الجھن کو سلجھن میں بدلنے کے لیے۔انٹرنیٹ پر جاری اس الجھی پہیلی کو سلجھانے میں مشغول لوگ مزید الجھ رہے ہیں، آپ بھی کو شش کر کے دیکھ لیں مشکل ہے کہ ڈھونڈنے میں کامیاب ہو پائیں۔لین اسٹور (lenstore) نامی ویب سائٹ نے کچھ ایسی تصاویر کی سیریز جاری کی ہے جن میں مختلف شکلیں چھپی ہوئی ہیں۔ جاری ہونے والی ان 5 تصاویر میں سے کنول کے پتوں میں چھپے ہوئے ایک کچھوے کو ڈھونڈنا سب سے مشکل تصویر ثابت ہو رہی ہے اور اب تک صرف 46 فی صد لوگ ہی کچھوا ڈھونڈنے میں کامیاب ہو سکے ہیں۔ویب سائٹ نے اعداد و شمار کی مزید تفصیلات دیتے ہوئے بتایا کہ اس تصویری پہیلی کو بوجھنے والے ان 46 فی صد میں بڑی تعداد خواتین کی ہے، خواتین نے یہ پہیلی بہت کم وقت میں حل کی۔اس تصویری پہیلی کو آپ یہاں بھی حل کرنے کی کوشش کر سکتے ہیں۔ اس کے لیے وقت لامحدود نہیں بلکہ ہر تصویر میں سے چھپی ہوئی شکل ڈھونڈنے کے لیے صرف 45 سیکنڈ فی تصویر ہیں۔ اسکور کا تعین اس بات پر ہے کہ آپ کتنے کم وقت اور کتنی کوششوں میں یہ تصویری پہیلی حل کر پاتے ہیں۔