روس میں ایک مسافر جہازکے فضا میں بلند ہونے کے فوراً بعداس میں آگ بھڑک اُٹھی جس کے باعث جہاز میں سوار 41 مسافر ہلاک ہو گئے۔ جہاز کو ماسکو کے ہوائی اڈے پر ہنگامی لینڈنگ کرنا پڑی۔روس کی نیوز ایجنسی کا کہنا ہے کہ جہاز کے پائلٹ نے اُڑان بھرنے کے کچھ ہی دیر بعد ہنگامی نوعیت کا سگنل دیا تھا۔سوشل میڈیا پر جاری ہونے والے ویڈیو کلپس میں دیکھا جا سکتا ہے کہ سوخوئی سوپر جیٹ 100 جہاز کی ماسکو کے ہوائی اڈے پر ہنگامی لینڈنگ کے دوران اُس کا زیادہ تر پچھلا حصہ شعلوں کی لپیٹ میں تھا۔
#Russia #Moscow Leaked CCTV foorage show the plane first bouncing up after touching the ground and then bursting into flames pic.twitter.com/pnNnr3QJJc
— NewsWorldWide (@NewsWorldWide4) May 6, 2019
ایجنسی کے مطابق مرنے والوں میں دو بچے اور فلائٹ اٹینڈینٹ بھی شامل ہیں۔جہاز کے زندہ بچ جانے والے 37 مسافروں کو ہنگامی سلائیڈز کے ذریعے اتار لیا گیا۔ماسکو سے روس کے شمالی شہر مر مانسک جانے والے اس جہاز میں عملے کے علاوہ 78 مسافر سوار تھے۔ جہاز میں آگ لگنے کے اس واقعے کی تحقیقات شروع کر دی گئی ہیں۔ تحقیقات کاروں کے مطابق ابھی جہاز کے اس حادثے کی وجہ معلوم نہیں ہو سکی ہے۔فلائٹ ٹریکنگ سروس کے مطابق جہاز نے ہنگامی لینڈنگ سے قبل 45 منٹ تک ماسکو کے گرد دو مرتبہ چکر لگایا۔
41 people have died after an Aeroflot plane caught fire in Russia #CapitalReports pic.twitter.com/1ua4MzoyJZ
— CapitalLivNews (@CapitalLivNews) May 6, 2019
