آئندہ نسلوں کیلئے آئین کی تشریح ضروری ہے، چیف جسٹس عمر عطاء بندیال

اسلام آباد(آن لائن ) آئین اور قانون میں کیا فرق ہے ؟اکثر لوگ اس بارے میں جانتے ہی نہیں کچھ قانونی پچیدگیاں ہیں تو کچھ عمل درآمد نہ ہونے کے معاملات اور کچھ فوری عمل درآمد کے معاملات ۔اسی حوالے سے سپریم کورٹ میں آرٹیکل 63 اے کی تشریح کیلئےصدارتی ریفرنس کی سماعت کے دوران چیف جسٹس عمر عطاء بندیال نے ریمارکس دیتے ہوئے کہا کہ سپریم کورٹ آرٹیکل 63 اے کی تشریح کرے گی، سپریم کورٹ کو25 منحرف اراکین سے کوئی غرض نہیں، ہم نےآئین کی تشریح آئندہ نسلوں کیلئےکرنی ہے، چاہے تنقید ہو، ہم ہنس کرآئینی ذمہ داری پوری کرتےہیں۔