سابق وزیر اعلی پنجاب عثمان بزدار کے خلاف سرکاری زمین جعلسازی سے اپنے نام الاٹ کرانے کے الزام میں مقدمہ درج کیا گیا ہے ۔
تفصیلات کے مطابق سابق وزیراعلی کے خلاف اینٹی کرپشن پنجاب نے مقدمہ درج کیا ہے ۔ اینٹی کرپشن حکام نے ڈپٹی کمشنر ڈیرہ غازی خان کی تفتیشی رپورٹ کی بنیاد پر مقدمہ درج کیا ۔
حکام کا کہنا ہے کہ مقدمے میں عثمان بزدار کے بھائیوں کو بھی نامزد کیا گیا ہے ۔درج مقدمے میں سرکاری زمین جعلسازی سے اپنے نام ٹرانسفر کروانے کی دفعات شامل ہیں ۔
اینٹی کرپشن نے عثمان بزدار پر 900کنال سرکاری زمین کی الاٹمنٹ کے بارے میں جعلی کاغذات تیار کرانے کا الزام عائد کیا ہے ۔
