اسپین وہ واحد ملک جہاں ٹرین کا سفر مفت ہو گا

آج کل مہنگائی میں اضافے کی وجہ سے جہاں دنیا بھر میں ٹرانسپورٹ کے کرایوں میں اضافہ کیا جا رہا ہے وہیں اسپین نے اس کے برعکس کرایوں میں کمی بلکہ نہ ہونے کے برابر اخراجات کیلئے اعلان کیا ہے ۔ یورپی ملک اسپین میں حکومت نے مہنگائی کی شرح میں اضافے کے باعث سرکاری پبلک ٹرانسپورٹ کے کرایوں کو پہلے ہی 50 فیصد کم کردیا ہے مگر اب متعدد ٹرینوں میں مفت سفر کی سہولت متعارف کرائی جارہی ہے۔پبلک ٹرین نیٹ ورک رینفی کی متعدد ٹرینوں میں مسافر مفت سفر کرسکیں گے۔یہ سہولت یکم ستمبر سے 2022 کے آخر تک عوام کو دستیاب ہوگی۔اس کی ایک شرط ہے، اس کے لیے مسافروں کو ملٹی جرنی ٹکٹ کو لینا ہوگا اور ایک بار کے سفر کے ٹکٹ یا طویل فاصلے کے سفر پر یہ سہولت دستیاب نہیں ہوگی۔