الیکشن کمیشن کی جانب سے پنجاب اسمبلی کے ضمنی انتخابات میں کامیاب ہونے والے19 ارکان کے نوٹیفکیشن جاری کر دیے گئے ہیں جبکہ پی پی 7 کے کامیاب رکن کا نوٹیفکیشن جاری نہیں کیا گیا۔
ترجمان الیکشن کمیشن کا کہنا ہے کہ پی پی 7 کےنتائج پر تحریک انصاف کے امید وار کی جانب سے نتائج کو چیلنج کیا گیا تھاجس کی بنا پر دوبارہ گنتی کے بعدنوٹیفکیشن جاری کیا جائے گا۔
یاد رہے کہ 17 جولائی کو ہونے والے ضمنی انتخابات میں پنجاب کے 14 اضلاع میں 20 حلقوں کے نتائج کے مطابق 15 نشستوں پر تحریک انصاف کے امیدوار کامیاب قرار پائے تھے،4 نشستوں پر مسلم لیگ (ن) جبکہ 1 نشست پر آزاد امیدوار کامیاب ہوا تھا۔