مبی میں رنبیر کپور اور شردھا کپور کی نئی آنے والی فلم کے سیٹ پر آگ لگنے کی باعث عملے کا ایک شخص ہلاک ہو گیا۔
تفصیلات کے مطابق سیٹ پر اگلے ہفتے فلم کا گانا شوٹ کیا جانا تھا ۔بھارتی اخبارہندو ستان ٹائمز کی رپورٹ کے مطابق آگ لگنے کے واقعے میں سیٹ پر کام کرنے والا ایک لائیٹ ٹیکنیشن ہلاک ہو گیا۔
فلم کے پروڈیوسر بونی کپور نے حادثے میں کسی قسم کے بھی جانی نقصان کی تردید کی ہے۔ ان کا کہنا تھا کہ حادثے میں کوئی شخص بھی زخمی تک نہیں ہوا اور سیٹ پر کام دوبارہ جاری ہے جو کہ ایک 2 روز میں مکمل کر لیا جائے گا۔
یاد رہے کہ رنبیر اور شردھا کپور کی نئی فلم کی شوٹنگ ابھی ابتدائی مراحل میں ہے جس کی شوٹنگ جرمنی میں بھی کی گئی ہےتاہم فلم کا ابھی تک کوئی نام طے نہیں کیا گیا اور نہ ہی فلم کی ریلیز کا کوئی حتمی وقت دیا گیا ہے۔
