لاہور کے علاقے ڈیفینس سے چند روز قبل خاتون کو اغوا کرنے کے بعد کار چھین کر فرار ہونے والا ملزم لاہور سے گرفتار کر لیا گیا، پولیس نے ملزم سے کار برآمد کر لی ۔
پولیس کے مطابق ملزم عبداللہ کو لاہور کے علاقے بیدیاں روڈ سے گرفتار کیا گیا،ملزم کا تعلق راولپنڈی کے بلال صابرچور گینگ سے ہے۔
پولیس کے مطابق ملزم سے کار بر آمد کی لی گئی ہے جبکہ دیگر ملزمان کی گرفتاری کے لیے چھاپے مارے جا رہے ہیں ۔
یاد رہے کہ چند روز قبل ڈیفنس سے خاتون کو اغوا کرنے کی فوٹیج سوشل میڈیا پر وائر ل ہوئی تھی جس کے بعد پولیس نے کارروائی عمل میں لاتے ہوئے آج ملزم کو گرفتار کر لیا ہے۔
سی سی ٹی وی فوٹیج میں دیکھا جا سکتا ہے کہ کار سوار ملزمان خاتون کو زبردستی اسی کی کار میں بیٹھا کر ساتھ لے گئے تھے۔
