سابق وزیراعظم عمران خان نے شہبازگل کے جسمانی ریمانڈ پر تشویش کا اظہار کیا ہے۔
ٹوئٹر پر جاری بیان میں عمران خان نے کہا کہ شہبازگل کو دوبارہ پولیس ریمانڈ پر دیا جانا انتہائی تشویش ناک ہے، تشدد کے باعث ان کی ذہنی اور جسمانی صحت کی حالت نازک ہے۔
عمران خان کا کہنا تھا کہ زبردستی غلط بیان لینے کے لیے یہ سب کیاجارہا ہے جیسے سوشل میڈیا کارکنوں کےساتھ کیا گیاجومکمل طور پر ناقابل قبول ہے۔
ان کا کہنا تھا کہ یہ مجھے اور تحریک انصاف کو ٹارگٹ بنانے کے لیے سازش کا حصہ ہے، ہم شہبازگل پر تشدد سے نمٹنے کے لیے تمام قانونی اور سیاسی کارروائی کریں گے۔
Very concerned about Shahbaz Gill being sent into police remand again. He is in a fragile state of mental & physical health because of the torture inflicted on him when he was abducted & taken to undisclosed location & then again at the police station. This is part of conspiracy
— Imran Khan (@ImranKhanPTI) August 17, 2022
انہوں نے کہا کہ شہبازگل پر یہ تشدد اس وقت کیا گیا جب انہیں اغوکے بعد نامعلوم مقام پر رکھا گیا، ان پر دوبارہ تشدد تھانے میں کیا گیا، یہ سازش کا حصہ ہے۔
