بھارتی ائیر لائن انڈیگو کی ایک فلائٹ میں مسافر نے ایمرجنسی دروازہ کھول کر چھلانگ لگانے کی کوشش کی جسے ناکام بنا دیا گیا۔
بھارتی میڈیا کے مطابق یہ واقعہ جمعرات کے روز مہاراجہ بیر بکرم ائیرپورٹ سے انڈیگو کی اندرون ملک جانے والی پرواز میں پیش آیا جہاں جہاز مسافروں کو لیے شہر گوہاٹی سے اگرتلہ جا رہا تھا۔
بتایا جا رہا ہے کہ جب جہاز رن وے سے 15 میل کی اونچائی پر پہنچا تو 41 سالہ بسواجیت نے ایمرجنسی دروازہ کھول کر چھلانگ لگانے کی۔
دنیا کا سب سے بڑاپیاز، وزن جان کر آپ حیران رہ جائیں گے
پولیس کی جانب سے بتایا گیا ہے کہ مسافر ذہنی تناؤ کا شکار تھا اور اس نے ناصرف دوران پرواز ایمرجنسی کا دروازہ کھولنے کی کوشش کی بلکہ روکنے پر جہاز کے عملے سے جھگڑا بھی کیا۔
پولیس کے مطابق اگرتلہ پہنچتے ہی ائیرپورٹ انتظامیہ نے مسافر کو پولیس کے حوالے کر دیا جہاں اسےعملے سے بدسلوکی کرنے کے جرم میں گرفتار کر لیا گیا۔
پولیس نے مزید بتایا کہ ملزم نے دوران تفتیش اپنے جرم کا اعتراف بھی کر لیا جبکہ ملزم کو عدالت کے سامنے بھی پیش کیا جائے گا۔
