کوئٹہ میں پولیس نے بجلی کے کنڈکٹرز اور تاریں چوری کرنے والے 3 افراد کو گرفتار کرلیا۔
پولیس کے مطابق نوحصار تھانے کی پولیس نے کیسکو کی درخواست پر کارروائی کرتے ہوئے تین افراد فاروق، علی حیدر اور کفایت اللہ کو گرفتار کرلیا۔
ملزم سے 1 کروڑ 20 لاکھ روپے کی مالیت کی 20 میٹر بجلی کی تاریں برآمد کرلیں۔
پولیس کے مطابق بجلی کی تاریں چوری کرنی والا گروہ 15 افراد پر مشتمل ہے، گروہ کے افراد کوئٹہ سمیت مختلف اضلاع میں بجلی کے کھمبوں سے تاریں چوری کرتے تھے۔
