وزیر اعلیٰ بلوچستان سرفراز بگٹی نے 2 ہزار غیر حاضر ٹیچرز کی برطرفی کا حکم دیدیا اور واضح کردیا کہ محکمہ تعلیم میں کوئی مداخلت نہیں ہوگی اور میرٹ پر ضلعی تعلیمی افسران کی بھرتی کی جائے گی۔
وزیر اعلیٰ بلوچستان کی زیر صدارت محکمہ تعلیم کا اجلاس ہوا، اجلاس میں چیف سیکرٹری بلوچستان کو ہدایت کی گئی کہ عادی غیر حاضر ٹیچرز کو برطرف کرکے 1 ماہ کے بعد رپورٹ پیش کی جائے۔
سرفراز بگٹی کا کہنا تھا کہ ماہانہ تعلیمی اخراجات کی مد میں صوبے میں ہر بچے پر ماہانہ 5 ہزار 625 روپے خرچ کیے جا رہے ہیں، جو سالانہ 72 ہزار روپے کے لگ بھگ فی کس خرچ بنتا ہے، اتنے اخراجات میں تو ہر بچہ ملک کے اعلیٰ ترین نجی تعلیمی ادارے میں تعلیم حاصل کرسکتا ہے۔