نعمان جاویداوراداکارہ جاناں ملک نےشادی کرلی

لاہور(شوبز ڈیسک)پاکستانی گلوکار نعمان جاوید اور اداکارہ جاناں ملک نے شادی کرنے کرلی ہے ۔دو ایسے افراد جن کا تعلق تو شوبز سے ہے مگر ایک گلوکار تو دوسرا اداکاری کے شعبے سے تعلق رکھتا ہے۔یاد رہے کہ گلوکار نعمان جاوید نے اس قبل گلوکارہ فریحہ پرویز سے شادی کی تھی جو کہ کسی ذاتی وجوہات کے باعث کامیاب نہ ہوسکی، جس کے بعد دونوں میں علیحدگی کیا ہوئی ، نعمان جاوید نے اس غم میں خودکشی کی کوشش کی ۔ جس کے بعد نعمان جاوید نے پھر سے اپنی شوبز سرگرمیوں کا آغازکردیا۔ نعمان جاوید کاجاناں ملک سے شادی کے حوالے سے کہنا تھا کہ وہ اور جاناں ملک پہلی مرتبہ 12 اگست کو ملے تھے، جب وہ ایک ساتھ فلم دیکھنے کے لیے گئے۔ جس کے بعد میں نے جاناںملک کو 26 اگست کو پروپوز کیا، وہ ایک نہایت ایماندار اور وفادار شخصیت کی مالک ہیں۔نعمان کا مزید کہنا تھا کی شادی کے بعد بھی اپنی گلوکاری کے کیریئر کو جاری رکھیں گے، ان کے مطابق جاناں ملک بھی شادی کے بعد اداکاری کرتی رہیں گی ۔ مزید کہا کہ اچھا ساتھی وہی ہوتا ہے جو مکمل آزادی دے، میں جاناں کو ہر مشکل میں ہمیشہ سپورٹ کروں گا۔ اپنے ماضی کے حوالے سے بات کرتے ہوئے نعمان نے بتایا کہ ’میری فیملی اب میری پہلی ترجیح ہے، میں اپنی بیوی کے ساتھ ایک اچھی زندگی گزارنا چاہتا ہوں، میری زندگی بہت حد تک تبدیل ہوچکی ہے اور مجھے معلوم ہے کہ یہ بہتری کی وجہ سے ہوئی ہے، اللہ نے میرے لیے کچھ بہتر ہی سوچا ہے، جاناں کے ساتھ رہ کر میں اپنی ہر بری یاد کو بھول جاتا ہوں۔