کراچی (بیورو رپورٹ) الیکشن کمیشن میں پی ایس 114 ضمنی انتخاب میں مبینہ دھاندلی کے حوالے سے ایم کیو ایم کی درخواست کی سماعت ہوئی جس کی سربراہی چیف الیکشن کمشنر سردار رضا حیات کی سربراہی میں 5 رکنی بنچ نے کی۔ اس موقع پر ایم کیو ایم کے رہنما فاروق ستار خالد مقبول صدیقی کامران ٹیسوری و دیگر موجود تھے۔ایم کیو ایم پاکستان نے درخواست میں کامیاب امیدوار پر نتائج تبدیل کرنے کا الزام لگاتے ہوئے کہا ضمنی انتخاب میں ووٹوں کی دوبارہ گنتی کی جائے اور ووٹوں کی بائیو میٹرک تصدیق کی جائے ، ایم کیو ایم نے الیکشن کمیشن سے درخواست کی ہے کہ حلقے میں کامیابی کا نوٹیفکیشن جاری نہ کیا جائے ۔
تازہ ترین
