اسلام آباد میں امریکی سفیر ڈونلڈ بلوم نے ٹی ٹوئنٹی ورلڈ کپ میں پاکستانی ٹیم کی کامیابی پر نیک خواہشات کا اظہار کرتے ہوئے کہا کہ پاکستانی عوام میں کرکٹ کے لیے بہت پیار اور جنون دیکھا۔
امریکی سفیر کیجانب سے جاری کردہ بیان میں یہ کہا گیا ہے کہ انہوں نے حال ہی میں پاکستان کرکٹ ٹیم سے ملاقات کی اور کھلاڑیوں سے باؤلنگ اور بیٹنگ کے ٹپس سیکھے۔
ڈونلڈ بلوم نے کہا کہ انہوں نے پاکستان میں کرکٹ کے لیے بہت پیار اور جنون دیکھا ہے۔
ڈونلڈ بلوم نے کہا کہ کرکٹ گرمیوں میں ہر جگہ کھیلی جاتی ہے، پاکستان اور امریکہ دونوں کھیلوں سے محبت کرنے والے ممالک ہیں۔
امریکی سفیر نے کہا کہ امریکہ میں پہلی بار T20 ورلڈ کپ کی میزبانی کرے گا، مجھے امید ہے کہ یہ بھی ایک دلچسپ ٹورنامنٹ ہوگا۔