اسلام آباد ہائیکورٹ نے عمران خان اور شاہ محمود قریشی کی سائفر کیس کیخلاف اپیل منظور کرتے ہوئے دونوں کی سزا کو کالعدم قرار دیدیا۔
اسلام آباد ہائیکورٹ نے عمران خان اور شاہ محمود قریشی کو سائفر کیس میں بری کردیا ہے، اسلام آباد ہائیکورٹ کے چیف جسٹس نے سائفر کیس پر اپنا فیصلہ سنا دیا ہے۔
سائفر کیس کیخلاف اپیلیں سننے والے بینچ میں چیف جسٹس عامر فاروق اور جسٹس میاں گل حسن شامل تھے۔
سائفر کیس کے متعلق فیصلہ سنائے جانے کے موقع پر پاکستان تحریک انصاف کی مرکزی قیادت بھی اسلام آباد ہائیکورٹ موجود تھی۔
چیئرمین پی ٹی آئی بیرسٹر گوہر، علی محمد خان، فیصل جاوید اور شاندانہ گلزار بھی کمرہ عدالت میں موجود تھے۔
بانی پی ٹی آئی عمران خان کی بہنیں اور شاہ محمود قریشی کی بیوی اور بیٹیاں بھی کمرہ عدالت میں موجود تھیں۔
