برطانیہ کی عدالت نے ہتک عزت کے کیس میں یوٹیوبر عادل راجہ کی اپیل کو خارج کرتے ہوئے 3 ہزار پاؤنڈ کا مزید جرمانہ عائد کردیا۔
عادل راجہ نے بریگیڈیئر (ر) راشد نصیرکی جانب سے دائر دراخواست پر عائد کیے جانے والے 10 ہزار پاؤنڈ جرمانے کے لیے معافی کی اپیل کی تھی۔
بریگیڈیئر (ر) راشد نے برطانوی عدالت میں مؤقف اختیار کیا تھا کہ عادل راجہ نے تاحال 10 ہزار پاؤنڈ جرمانہ ادا نہیں کیا ہے۔
برطانوی عدالت نے عادل راجہ کو مزید 3 ہزار پاؤنڈ ادا کرنے کا حکم دے دیا۔
عادل راجہ نے بریگیڈیئر (ر) راشد نصیر کی اپنے سوشل میڈیا اکاؤنٹس پر ہتک کی تھی جس پر برطانوی عدالت نے عادل راجہ کو 10 ہزار پاؤنڈ کی ادائیگی کا حکم دیا تھا۔