معروف مصنف انور مقصود نے ٹی ٹوئنٹی ورلڈ کپ میں امریکا کے خلاف پاکستان کی شکست کی دلچسپ وجہ بتا دی۔
انور مقصود کیجانب سے ٹی ٹوئنٹی ورلڈ کپ میں امریکا کے ہاتھوں پاکستان کی شکست پر ویڈیو سوشل میڈیا پر جاری کر دی گئی ہے۔
View this post on Instagram
امریکا کے خلاف ٹی ٹوئنٹی ورلڈ کپ کے پہلے میچ میں پاکستان کی شکست پر انور مقصود کا کہنا تھا کہ پاکستان کے پاس امریکا سے ہارنے کے سوا کوئی چارہ نہیں تھا کیونکہ اسے ابھی تک آئی ایم ایف سے قرضہ نہیں ملا۔
انور مقصود نے کہا کہ اس میچ میں آئی ایم ایف کیجانب سے یہ شرط ہو سکتی تھی کہ اگر قومی کرکٹ ٹیم ہارتی ہے تو امریکہ قرض کی رقم جاری کرے گا، وگرنہ پاکستان کے ہارنے کی کوئی اور وجہ نہیں ہے۔
9 جون کو پاک بھارت میچ کے لیے انور مقصود نے کہا کہ جو پاکستانی اس وقت ٹکٹ خرید رہے ہیں انہیں آدھی قیمت پر فروخت کیا جائے گا۔
مزید یہ کہ امریکن کرکٹ ٹیم کیجانب سے T20 ورلڈکپ میں پاکستان کو سپر اوور میں شکست دینا ایک بڑا اپ سیٹ ہے۔
امریکا نے پاکستان کو سپر اوور میں جیت کیلئے 19 رنز کا ہدف دیا تھا تاہم قومی ٹیم صرف 13 رنز ہی بنا سکی۔