بھارتی میڈیا کے مطابق ایئر انڈیا کی پرواز کے دوران صحافی نے کھانے کی ویڈیو سوشل میڈیا پر شیئر کی جس میں ایک تیز دھار بلیڈ پایا گیا۔
تفصیلات کے مطابق 9 جون کو بھارت سے امریکا جانے والی ایئر انڈیا کی پرواز میں سفر کرنے والے صحافی کو چاٹ پیش کی گئی کھانے کے دوران صحافی نے منہ میں ایک سخت چیز محسوس کی جسے فوراً تھوک دیا۔
صحافی کا کہنا ہے کہ وہ اس وقت پریشان ہوئے جب انہیں معلوم ہوا کہ ان کے منہ میں کھانے کے دوران آنے والی سخت چیز ایک تیز دھار بلیڈ تھا۔
انہوں نے کہا کہ کھانے کے دوران منہ میں اس طرح کی چیز جانا کسی بھی انسان کے لیے خطرناک ثابت ہو سکتی ہے، اس سے زبان کٹ بھی سکتی تھی، اگر کوئی بچہ یہ کھانا کھا رہا ہوتا تو کیا نتائج نکلتے؟
صحافی کا مزید کہنا ہے کہ جب انہوں نے عملے کی شکایت کی تو رشوت کے طور پر دنیا میں کہیں بھی ٹور کے لیے فری بزنس کلاس سفر کی آفر کی گئی البتہ انہوں نے اس آفر کو ٹھکرا دیا۔
میڈیا کے مطابق ایئر لائن انتظامیہ نے بھی واقعے کی تصدیق کر دی ہے البتہ مسافر کو دی جانے والی آفر کے الزام پر کوئی رد عمل سامنے نہیں آیا۔
